विद्युत सर्ट भई आगलागी हुँदा निजगढ ३ मा ९ लाखभन्दा बढीको क्षति

बाराको निजगढ नगरपालिका वडा नम्बर ३ पिपलटार स्थित जगद बहादुर बुलनको घरमा आज दिउसो बिद्युत सट भई आगलागी भएको ईलाका प्रहरी कार्यालय निजगढका प्रमुख तथा प्रहरी निरीक्षक शंकरप्रसाद चौधरीले जानकारी दिनुभएको छ। आगलागीबाट २ तले काठको घर पूर्ण रुपमा क्षति हुँदा घरमा रहेको लत्ताकपडा, धातुका भाँडाकुँडा र गरगहना जलेर नष्ट हुँदा नौ लाखभन्दा बढीको नोक्सान भएको ईलाका प्रहरी कार्यालय निजगढले जनाएको हो ।

घटनामा मानवीय क्षति भने नभएको र करीब २ बजे बाट सुरु भएको आगोलागीलाई नेपाल प्रहरी, स्थानिय साथै निजगढ नगरपालिकाको वारुणयन्त्रको सहयोगमा करिब ४ बजे आगलागी नियन्त्रण गर्न सफल भएको ईलाका प्रहरी कार्यालय निजगढका प्रमुख तथा प्रहरी निरीक्षक चौधरीलेले जानकारी दिए ।