नेपाली प्रतिनिधिमण्डलको नेतृत्व गर्दै सभामुख सापकोटा स्पेन प्रस्थान

कोल्हवी न्यूज
२०७८ मंसिर ९, बिहीबार ०६:५७

अन्तर व्यवस्थापिका संघ (आई पी यू) १४३ औं सम्मेलनमा सहभागी हुन सभामुख अग्निप्रसाद सापकोटा नेपाली प्रतिनिधिमण्डलको नेतृत्व गर्दै आज स्पेन प्रस्थान गरेका छन् ।

प्रतिनिधिमण्डल आज (बुधबार) बेलुका ८:५० बजे त्रिभुवन अन्तर्राष्ट्रिय विमानस्थलबाट स्पेन तर्फ प्रस्थान गरेको हो । सभामुख नेतृत्वको नेपाली संसदीय प्रतिनिधिमण्डलमा प्रतिनिधि सभा सदस्य देव प्रसाद गुरुङ, लक्ष्मी कुमारी चौधरी तथा राष्ट्रिय सभा सदस्य प्रमिला कुमारी र अगम प्रसाद वान्तवा राई रहेका छन् ।

यसैगरी प्रतिनिधिमण्डलमा संघीय संसदका महासचिव डा भरतराज गौतम, प्रतिनिधसभाका सचिव गोपालनाथ योगी, सभामुखज्यूको प्रमुख स्वकिय सचिव अर्जुन खत्री के सी, कम्प्युटर अधिकृत सुरेशराज सेढाईँ र स्पेनस्थित नेपाली राजदूतावसका कार्यवाहक राजदूत अर्जुन अधिकारी सहभागी छन् ।

अन्तर व्यवस्थापिका संघ (आई पी यू) र स्पेनको संसदको आयोजनामा यहि मंसिर १० देखि १४ (२६ देखि ३० नोभेम्बर २०२१ ) स्पेनको म्याड्रिडमा आई पी यूको १४३ औं सम्मेलन हुँदै छ । सो सम्मेलनमा “Contemporary Challenge to Democracy: Overcoming Division and Building Community” शीर्षकमा सभामुखले सम्बोधन गर्ने कार्यक्रम रहेको छ ।

यसैगरी २८ नोभेम्बरमा स्पेनको म्याड्रिडमा आयोजना हुने “Meeting of the Parliamentary Network of the Non-Aligned Movement” मा सभामुख सापकोटाले भागलिई बैठकलाई सम्बोधन गर्ने कार्यक्रम रहेको छ । सम्मेलनमा सहभागी प्रतिनिधिमण्डल मंसिर १६मा स्वदेश फर्कने कार्यक्रम रहेको छ ।

यसमा तपाइको मत

Your email address will not be published. Required fields are marked *


*