सुन र चाँदीको मूल्य घट्यो, सुन तोलाको २ लाख ८८ हजार ४०० रुपैयाँ

स्थानीय बजारमा आज सुन र चाँदी दुवैको मूल्य घटेको छ ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला १ हजार १०० रुपैयाँले घटेर २ लाख ८८ हजार ४०० रुपैयाँ कायम भएको छ ।

त्यस्तै, चाँदीको मूल्य पनि प्रतितोला २२० रुपैयाँले घटेर ४ हजार ३५ रुपैयाँ कायम भएको महासङ्घले जनाएको छ ।

यसअघि बुधबार छापावाल सुन प्रतितोला २ लाख ८९ हजार ५०० रुपैयाँमा कारोबार भएको थियो भने चाँदीको मूल्य प्रतितोला ४ हजार २५५ रुपैयाँ रहेको थियो ।

बुधबारको तुलनामा आज सुन र चाँदी दुवैको मूल्यमा गिरावट आएको हो ।