आगामी चुनावलाई केन्द्रित गर्दै तीव्र तयारीमा जुटे लोसपा नेता पटेल
कोल्हवी न्यूजलोकतान्त्रिक समाजवादी पार्टी नेपालका युवानेता ओम पटेल आगामी चुनावलाई केन्द्रित गर्दै तीव्र तयारीमा जुटेका छन् ।विद्यार्थी राजनीतिबाट सुरु गरेको राजनीतिक यात्रा उनको निकै नै सफल र सुखद रह्यो । उनी राष्ट्रिय राजनीतिमा पनि राम्रै छवि बनाएका छन् । हरेक विद्यार्थी आन्दोलनमा अहम् भूमिका निर्वाह गर्दै आएका नेता पटेल अब राष्ट्रिय राजनीति गर्ने अठोटका साथ लागेका छन् ।
रौतहट क्षेत्र न।२ परोहा नगरपालिकाको नेता पटेलले आगामी निर्वाचनमा नगरपालिकाको प्रमुखको लागि आफ्नो उम्मेद्वारी दिने तयारी गरिरहेका छन् । उनी भन्छन्, ‘परोहा नगरपालिकाको मेयर पदमा चुनाव लड्न तयार छु । यहाँबाट मलाई जनसमर्थन पनि प्राप्त छ । तर, पार्टीले मलाई जुन ठाउँमा टिकट दिन्छ त्यसका लागि म तयार छु ।’ नेता पटेल आफ्नो क्षेत्र उनी महजबुत पकड बनाउनुका साथै विभिन्न उल्लेखनीय कार्यहरुसमेत गरेका छन् ।
स्थानीय जनताका बीच उनी निकै चर्चित र लोकप्रिय नेताका रुपमा पनि चिनिन्छन् । उनले विभिन्न सामाजिक कार्यहरु गर्दै जनतामाझ लोकप्रियता कमाएका हुन् । स्थानीयहरुले उनलाई जनप्रतिनिधिको रुपमा हेर्न चाहेको बताइन्छ । स्थानीय जनताको हरेक सुखदुखमा उनी जहिले पनि उभिरहेका हुन्छन् । त्यहाँका नगरपालिका प्रमुख भन्दाबढी काम गरेको स्थानीयहरु बताउँछन् ।
उनलाई प्राप्त जनसमर्थनबाट हौसिएर अब जनताको सेवा गर्नका लागि चुनावबाट जितेर त्यहाँका हरेक समस्या समाधान गर्न लागिपर्ने उनी बताउँछन् । उनी भन्छन्, ‘पार्टी नेतृत्वले यदि मलाई मौका दियो भने म निराश गर्ने छैन ।’
