कोल्हवी न्यूज
माघ १६ गतेबाट प्रदर्शनमा आउन लागेको फिल्म ‘आ बाट आमा’ ले सेन्सर बोर्डबाट युनिभर्सल सर्टिफिकेट पाएको छ। सोमबार केन्द्रीय चलचित्र जाँच पास समितिबाट सेन्सर पास भएसँगै अब यो फिल्म सबै उमेर समूहका दर्शकले हेर्न पाउनेछन्।
निर्देशक चन्द्र पन्तले परिवारका सबै सदस्यले सँगै हेर्न मिल्ने उद्देश्यले फिल्म निर्माण गरिएको बताए। फिल्ममा विपना थापा, पल शाह, प्रदीप रावत, उषा उप्रेती, सिम्रन पन्त लगायत कलाकारको अभिनय रहेको छ।
फिल्मको गीत ‘लैजा खबर ए हावा’ दर्शकमाझ लोकप्रिय भइसकेको छ। आर्या इन्टरटेन्मेन्टको प्रस्तुतिमा बनेको यस फिल्मको वितरण आरआर फिल्म्सले गर्नेछ।
