माल्दिभ्समाथि शानदार जित निकाल्दै नेपाल काभा महिला भलिबलको सेमिफाइनलमा
कोल्हवी न्यूज
नेपाल महिला राष्ट्रिय भलिबल टोली ले माल्दिभ्सलाई पराजित गर्दै काभा महिला भलिबल च्याम्पियनशिप को सेमिफाइनलमा स्थान बनाएको छ ।
समूह ‘ए’ अन्तर्गत आफ्नो अन्तिम खेलमा नेपालले माल्दिभ्स महिला राष्ट्रिय भलिबल टोली लाई ३–० को सोझो सेटमा हराएको हो ।
दशरथ रङ्गशाला कभर्डहल मा भएको खेलमा नेपालले पहिलो सेट २५–१२, दोस्रो सेट २५–९ र तेस्रो सेट २५–२० ले आफ्नो पक्षमा पार्दै सहज जीत दर्ता गर्यो ।
यसअघि नेपाल उद्घाटन खेलमा भारत महिला राष्ट्रिय भलिबल टोली सँग ३–२ को सेटमा पराजित भएको थियो । त्यसपछि नेपालले किर्गिस्तान महिला राष्ट्रिय भलिबल टोली लाई सोझो सेटमा हराउँदै पुनरागमन गरेको थियो ।
अब आज हुने भारत र किर्गिस्तानबीचको खेलपछि समूह ‘ए’ बाट सेमिफाइनल पुग्ने अर्को टोलीको टुङ्गो लाग्नेछ ।
उता समूह ‘बी’ बाट काजकिस्तान महिला राष्ट्रिय भलिबल टोली र इरान महिला राष्ट्रिय भलिबल टोली लगातार दोस्रो जीतसहित सेमिफाइनलमा प्रवेश गरिसकेका छन् ।
