सशस्त्रको गोदाममा आगलागी, करोडौँको क्षति

एआइजीको नेतृत्वमा छानबिन समिति गठन
कोल्हवी न्यूज
२०८० चैत्र २७, मंगलवार ०६:४३

काठमाडौंको बलम्बुस्थित सशस्त्र प्रहरी बलको केन्द्रीय भण्डारमा भीषण आगलागी हुँदा करोडौँको क्षति भएको छ । भण्डारमा विद्युत् सर्ट भएर आगलागी भएको प्रारम्भिक आकलन गरिएको छ ।

त्यहाँ सशस्त्र प्रहरी कर्मचारीलाई खरिद गरिएका कपडा, बुटलगायतका करोडौैँ मूल्यबराबरका सामान स्टोर गरिएको थियो । साँझ पौने ५ बजे लागेको आगो राति करिब ११ बजे नियन्त्रणमा आएको थियो ।

घटनास्थलमा उपप्रधानमन्त्री तथा गृहमन्त्री रवि लामिछाने, सशस्त्र प्रहरी महानिरीक्षक राजु अर्याललगायत पुगेका थिए । आसपासका घरमा रहेका सिसिक्यामेरासमेत हेरेर विस्तृत छानबिन गर्न मन्त्री लामिछानेले निर्देशन दिएका छन् ।

घटनाको छानबिनका लागि सशस्त्र प्रहरी अतिरिक्त महानिरीक्षक (एआइजी) वंशी दाहालको नेतृत्वमा नौ सदस्यीय छानबिन समिति बनेको छ । समितिले सोमबारदेखि नै छानबिन थालिसकेको छ ।

यसमा तपाइको मत

Your email address will not be published. Required fields are marked *


*