रौतहटमा बाघको आक्रमणमा परी एक जना युवक घाइते

रौतहट जिल्लाको चन्द्रपुर नगरपालिका वडा नम्बर ५ मा बाघको आक्रमणबाट मंलबार दिउसो एक जना युवक घाइते भएका छन ।

घाईते हुनेमा सोही वडामा बस्ने २२ बर्षिय प्रदिप चौधरी रहेका छन् । उनलाई बाघले आक्रमण गरेर घाइते बनाएको रंगपुर साझेदारी वन उपभोक्ता समितिका अध्यक्ष जितेन्द्र चौधरीले जानकारी दिए ।

बाघको आक्रमणबाट चौधरीको हात र पेटमा चोट लागेको बताइएको छ । रौतहटमा बिगत ६ महिनाको अवधिमा बाघको आक्रमणबाट १ जनाको मृत्यु भएको छ भने ५ जना घाइते भएका छन ।