अवैध विदेशी मुद्रासहित एक पाकिस्तानी नागरिक पक्राउ

अबैध विदेशी मुद्रा सहित एक पाकिस्तानी नागरिक पक्राउ परेका छन्। पक्राउ पर्नेमा ३३ वर्षीय हेफिज इटिक्यु युआर रेह्चमन छन्।

फ्लाई दुवईको उडान मार्फत काठमाण्डौंबाट दुबई जान लागेका उनले बोकेको हरियो रंगको झोलामा विदेशी मुद्रा भेटिएको प्रहरीले जनाएको छ ।

त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान ह्‍याण्ड ब्यागेज चेकिङ एरियाको एक्सरे मेसिनमा चेकजाँच गर्दा झोलाभित्र साउदी रियल ४७ हजार १ सय ५० रुपैयाँ, चार सय यूएइ डिरहम, १ सय भारतीय रुपैयाँलगायत विदेशी मुद्रा बरामद गरेको हो।

अबैध रुपमा बाहिरी मुलुकतर्फ लैजान लागेको अवस्थामा फेला पारिएका कारण आवश्यक अनुसन्धान एवं कानुनी कारबाहीको लागि शनिबार राजस्व अनुसन्धान विभाग, ललितपुरमा बुझाइएको प्रहरीले बताएको छ।