७४ किलो गाँजासहित बहुदरमाईबाट बाउछोरा पक्राउ, आफ्नै घरबाट गर्थे कारोबार

प्रतिबन्धित लागूऔषध गाँजासहित पर्सा प्रहरीले बाउछोरालाई पक्राउ गरेको छ । पक्राउ पर्नेमा बहुदरमाई नगरपालिका वडा नम्बर ९ विश्रामपुर निवासी ६० वर्षीय गणेश साह कलवार र उनका छोरा ३४ वर्षीय सन्तोष साह कलवार रहेका छन् ।

विशेष सूचनाको आधारमा जिल्ला प्रहरी कार्यालय पर्साबाट खटेको प्रहरी टोलीले साहको घरमा छापामारी गरेर गएराती उनीहरुलाई पक्राउ गरेको हो । पर्सा प्रहरीका प्रहरी नायव उपरीक्षक ९डिएसपी० ओमप्रकाश खनालका अनुसार साहको घरबाट प्रहरीले ७४ किलोग्राम गाँजा बरामद गरेको छ ।

साहको घरबाट गाँजाको अवैध कारोबार भइरहेको विशेष सूचनाको आधारमा छापामारी गरिएको डिएसपी खनालले जानकारी दिए । साहले घरको पूर्वपट्टीको कोठाको खाटमुनी सुनियोजित तरिकाले गाँजालाई लुकाएर राखेको थिए । पक्राउ परेका उनीहरुमाथि लागूऔषध सम्बन्धी कसूरमा अनुसन्धान भइरहेको पर्सा प्रहरीका प्रवक्तासमेत रहेका डिएसपी खनालले बताए ।