मकवानपुरको बकैयामा ट्याकटर दुर्घटना,दुईको मृत्यु

मकवानपुरको बकैयामा ट्याकटर दुर्घटना हुँदा दुईजनाको मृत्यु भएको छ।बुधबार दिउँसो कान्तिलोकपथ अन्तर्गत बकैया(११ को सिमात पुल नजिक ट्याक्टर दुर्घटना हुँदा दुईजनाको मृत्यु भएको हो। ट्याक्टर सडकबाट करिब २ सय ५० मिटर तल खसेको जिल्ला प्रहरी कार्यालय मकवानपुरका निमित्त प्रहरी प्रवक्ता राजकुमार सापकोटाले जानकारी दिए ।

बकैया(११ ठिंगनबाट हेटौंडा तर्फ आउँदै गरेको ना ४ त ६०७५ नम्बरको ट्याक्टर दुर्घटना हुँदा दुईजनाको ज्यान गएको हो।ज्यान गुमाउने दुईजना मध्ये मृतक एकको साथबाट फेला परेको चालक अनुमतिपत्रको आधारमा कैलाली घर भए भएका आम्दाजी २८ बर्षीय मिन बहादुर बुढा मगर रहेको मकवानपुरका निमित्त प्रहरी प्रवक्ता इन्स्पेक्टर राजकुमार सापकोटाले बताएका छन।यो समाचार तयार पार्दासम्म मृत्यु भएका अर्का एकजनाको पहिचान खुल्न सकेको छैन।घाइते दुईजनालाई उद्धार गरी उपचारको लागि हेटौंडा अस्पताल ल्याउदा उपचारको क्रममा मृत्यु भएको इन्स्पेक्टर सापकोटाले बताए।