सुनचाँदीको भाउमा भारी गिरावट, सुन २ लाख ६० हजार ९०० मा झर्यो
नेपाली बजारमा सुनचाँदीको मूल्यमा गिरावट आउने क्रमले निरन्तरता पाएको छ । पछिल्लो कारोबारमा सुनको मूल्य एकैदिन तोलामा ६ हजार ३०० रुपैयाँले घटेको छ ।
नेपाल सुनचाँदी व्यवसायी महासंघका अनुसार मूल्य घटेसँगै छापावाल सुन प्रतितोला २ लाख ६० हजार ९०० रुपैयाँमा झरेको छ । यसअघि मंगलबार सुन प्रतितोला २ लाख ६७ हजार २०० रुपैयाँमा कारोबार भएको थियो ।
गत शुक्रबारदेखि नै सुनको मूल्य निरन्तर घटिरहेको छ । दुई दिनको अवधिमै सुन प्रतितोला ८ हजार २०० रुपैयाँले सस्तिएको छ ।
यस्तै, चाँदीको मूल्य पनि घटेको छ । महासंघका अनुसार चाँदी प्रतितोला ११० रुपैयाँले घटेर ३ हजार ३८० रुपैयाँ कायम भएको छ । अघिल्लो दिन चाँदी प्रतितोला ३ हजार ४९० रुपैयाँमा कारोबार भएको थियो ।
मेरो रोजाइको हेडलाइन: सुनको मूल्य एकैदिन तोलामा ६ हजार ३०० रुपैयाँले घट्यो ।









