बारामा विद्युत् सर्ट भएर आगलागी, ७ लाखसम्मको क्षति

बारा, १ असोज । बाराको कलैया उपमहानगरपालिका–११ मा विद्युत् सर्ट भएर आगलागी हुँदा लाखौँ रुपैयाँ बराबरको क्षति भएको छ।

स्थानीय हनुमान प्रसाद साहको घरमा बुधबार राति करिब १ बजे विद्युत् सर्ट भएर आगलागी भएको जिल्ला प्रहरी कार्यालय बाराले जनाएको छ।

आगलागीमा परी एउटा बाछो, एउटा भैँसीको पाडो र दुईवटा बाख्रा जलेका छन्। प्रारम्भिक अनुसन्धानअनुसार आगलागीबाट करिब ५ देखि ७ लाख रुपैयाँ बराबरको क्षति भएको प्रहरीले जनाएको छ।

घटनाबारे थप अनुसन्धान भइरहेको जिल्ला प्रहरी कार्यालय बाराले जनाएको छ।