विश्वकप इतिहासमा मेस्सीको नयाँ कीर्तिमान, ६ संस्करण खेल्ने पहिलो खेलाडी
कोल्हवी न्यूज
कान्सास सिटी । अर्जेन्टिनाका कप्तान Lionel Messi ले फिफा विश्वकप इतिहासमा नयाँ कीर्तिमान कायम गरेका छन्।
बुधबार अमेरिकाको कान्सास सिटीस्थित रंगशालामा अल्गेरियाविरुद्ध मैदानमा उत्रिँदै मेस्सी विश्वकपका ६ संस्करण खेल्ने पहिलो खेलाडी बनेका हुन्। यसअघि कुनै पनि खेलाडीले विश्वकपका ६ संस्करणमा सहभागिता जनाएका थिएनन्।
३९ वर्षीय मेस्सीले सन् २००६ मा पहिलो पटक विश्वकप खेलेका थिए। त्यसयता उनले २०१०, २०१४, २०१८, २०२२ र २०२६ गरी लगातार ६ संस्करणमा अर्जेन्टिनाको प्रतिनिधित्व गरेका छन्।
ऐतिहासिक कीर्तिमान कायम गर्ने क्रममा मेस्सीले अल्गेरियाविरुद्ध गोलसमेत गरे। उनले खेलको १७औँ मिनेटमा गोल गर्दै अर्जेन्टिनालाई सुरुआती अग्रता दिलाएका हुन्।
विश्व फुटबलका महान खेलाडीमध्ये एक मानिने मेस्सीले यस उपलब्धिसँगै आफ्नो नाममा अर्को ऐतिहासिक अध्याय थपेका छन्। विश्वकप विजेता कप्तानका रूपमा समेत परिचित मेस्सीको यो रेकर्ड निकट भविष्यमा तोड्न कठिन मानिएको छ।
सम्बन्धित खबरहरु
