युक्रेन युद्धमा ५ लाख रुसी सैनिकको मृत्यु भएको बेलायतको अनुमान
कोल्हवी न्यूज
लण्डन, १४ जेठ — GCHQ ले सन् २०२२ देखि जारी Russia-Ukraine War मा झण्डै पाँच लाख रुसी सैनिक मारिएको दाबी गरेको छ।
Anne Keast-Butler ले आफ्नो पहिलो सार्वजनिक सम्बोधनका क्रममा उक्त तथ्याङ्क सार्वजनिक गरेकी हुन्। बेलायती सञ्चारमाध्यम बीबीसी का अनुसार पूर्णस्तरको युद्ध सुरु भएयता रुसले ठूलो सैन्य क्षति व्यहोरेको जीसीएचक्यूको मूल्याङ्कन छ।
भाषणका क्रममा उनले बेलायतमा भएका धेरै जासुसी गतिविधि तथा षड्यन्त्रमा रुसको संलग्नता रहेको आरोपसमेत लगाइन्। साथै पछिल्ला वर्षहरूमा बेलायतसहित नेटो राष्ट्रहरूमाथि रुसले अघोषित “हाइब्रिड युद्ध” सञ्चालन गरिरहेको दाबी पनि गरिन्।
युद्धका क्रममा रुस र युक्रेन दुवैले एकअर्काको सैन्य क्षतिको विवरण सार्वजनिक गर्दै आएका छन्। तर आफ्नै क्षतिको विस्तृत तथ्याङ्क भने दुवै पक्षले खुलाएका छैनन्।
यसअघि गएको फेब्रुअरीमा Volodymyr Zelenskyy ले सन् २०२२ यता ५५ हजार युक्रेनी सैनिक मारिएको बताएका थिए।
सम्बन्धित खबरहरु
