राष्ट्रपतिद्वारा आज संसद्को संयुक्त बैठकलाई सम्बोधन गर्ने

रामचन्द्र पौडेल ले आज सङ्घीय संसद्को संयुक्त बैठकलाई सम्बोधन गर्ने कार्यक्रम तय भएको छ। दिउँसो ३ बजे बस्ने बैठकमा उहाँले सरकारका नीति तथा प्राथमिकताबारे धारणा राख्ने अपेक्षा गरिएको छ।

नेपालको संविधानको धारा ९५ अनुसार प्रतिनिधि सभाको निर्वाचनपछि पहिलोपटक संयुक्त बैठक बस्न लागेको हो, जसले यसलाई विशेष महत्व दिएको छ। सोही संवैधानिक व्यवस्थाअनुसार राष्ट्रपतिले हरेक वर्षको पहिलो अधिवेशन तथा निर्वाचनपछिको पहिलो अधिवेशनमा संसद्को दुवै सदनलाई सम्बोधन गर्ने प्रावधान रहेको छ।

बैठकका लागि सङ्घीय संसद् सचिवालयले सबै सदस्यहरूलाई दिउँसो २:४५ बजेसम्म उपस्थित भइसक्न सूचना जारी गरिसकेको छ।