देशभरि लागुऔषधको रोकथाम अभियान: १४ जना पक्राउ
कोल्हवी न्यूज
काठमाडौं। नियमित गस्तीका क्रममा रहेको प्रहरीले देशभरबाट विभिन्न लागुऔषधसहित १४ जनालाई पक्राउ गरेको छ। पक्राउ परेका व्यक्तिहरू बुधबार र बिहीबारमा विभिन्न स्थानबाट फेला परेका हुन्।
केन्द्रीय प्रहरी समाचारकक्षका अनुसार, काठमाडौँ–२ ठमेलको सिटी हेभन होटलबाट सिरहा–८ का २९ वर्षीय रक्कीकुमार यादवलाई खैरो हेरोइनसहित पक्राउ गरिएको छ। त्यस्तै, काठमाडौँ–१६ नयाँ बजार, भद्रपुर–५ मेचीपुल, गुलरिया–११ गणेशपुर, लहान–३, तुलसीपुर–१८ बेलझुण्डी, कैलाली–६ बागमारा, कञ्चनपुर–८ पचुई, धरान–१६ पानीट्याङ्की तथा धरान–२० विष्णुपादुका पुल लगायतका विभिन्न स्थानबाट लागुऔषधसहित व्यक्तिहरू पक्राउ परेका छन्।
पक्राउ परेका लागुऔषधमा खैरो हेरोइन, पोलेन, ट्रामाडोल, स्पास्पेन ट्याब्लेट र करिब १७ किलो गाँजा रहेका छन्। प्रहरीले अब थप अनुसन्धान गरेर अपराधी समूहहरूसँगको सम्बन्ध उजागर गर्ने तयारी गरिरहेको छ।
सम्बन्धित खबरहरु
