कोल्हवी न्यूज
प्रतिनिधि सभा निर्वाचनलाई थप आकर्षक र सभ्य बनाउन निर्वाचन आयोगले टिकटक भिडियो बनाउने अभियान सुरु गरेको छ। आयोगले सामाजिक सञ्जालमा लोकप्रिय रहेको टिकटकलाई निर्वाचन प्रचारप्रसारका लागि प्रयोग गर्ने निर्णय गरेको हो।
यस अभियानमा सहभागी हुने व्यक्तिहरूले निर्वाचन आचारसंहिता, मतदाता शिक्षा, र निर्वाचन प्रक्रिया जस्ता विषयहरूमा आधारित एक मिनेटको टिकटक भिडियो बनाउनुपर्नेछ। यो भिडियोहरु आयोगको इमेलमा पठाइने छन्।
अत्यधिक भ्यूज प्राप्त गर्ने भिडियोहरूको लागि आयोगले आकर्षक पुरस्कारहरू प्रदान गर्नेछ। पहिलो स्थानमा आउने भिडियोको लागि ५० हजार, दोस्रो स्थानका लागि ३० हजार र तेस्रो स्थानका लागि २० हजार रकम प्रदान गरिनेछ। साथै, उत्कृष्ट भिडियो बनाउनेलाई प्रमाणपत्र पनि दिइने छ।
आयोगले भनिएको भिडियोमा सन्देशमूलक र संवादमूलक सामग्रीलाई प्राथमिकता दिनेछ। यसमा निर्वाचनको महत्व, मतदाता शिक्षा, आचारसंहिता पालन, र उम्मेदवार चयन जस्ता विषयहरूलाई समेटिएको हुनुपर्नेछ।
यस अभियानमा व्यक्तिहरूलाई एकल वा समूहमा सहभागी हुन अनुमति छ। सबै प्राप्त भिडियोमा आयोगको अधिकार हुनेछ र उत्कृष्ट भिडियोहरूलाई आयोगका सामाजिक मिडिया प्लेटफर्महरूमा प्रसारण गर्न सकिनेछ।
यो अभियान आगामी फागुन १७ गतेसम्म जारी रहनेछ।
