‘प्रचण्ड’की छोरी गंगा दाहालको घरमा मृत भेटिएका व्यक्तिको पहिचान खुल्यो
कोल्हवी न्यूज२०८२ भाद्र २६, बिहीबार ०६:४७ गते
नेपाल कम्युनिष्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’की छोरी गंगा दाहालको घरमा मृत भेटिएका व्यक्तिको पहिचान खुलेको छ।
जलेको अवस्थामा मृत भेटिएका व्यक्ति काभ्रेपलाञ्चोकको भुम्लु गाउँपालिका–४ घर भई हाल ललितपुरको सुनाकोठी–२५ बस्ने २७ वर्षीय सरोज खत्री रहेको जिल्ला प्रहरी परिसर ललितपुरका प्रवक्ता चक्रराज जोशीले जानकारी दिए।
‘जलेको अवस्थामा निजको शव भेटिएको थियो । मृतकले लगाएका कपडा र घडीका आधारमा बुधबार पहिचान खुलेको हो,’ उनले भने।
मृतकको शव अहिले पोष्टमर्टमका लागि पाटन अस्पतालमा राखिएको प्रहरीले जनाएको छ।
मंगलबार दिउँसो प्रदर्शन उग्र बनेपछि दाहालको घरमा आगजनी गरिएको थियो।रासस
सम्बन्धित खबरहरु
