राजविराजस्थित जिल्ला कारागारबाट भागेका थुनुवालाई प्रहरीले डेढ महिनापछि पक्राउ

 सप्तरीको राजविराजस्थित जिल्ला कारागारबाट भागेका थुनुवालाई प्रहरीले डेढ महिनापछि पक्राउ गरेको छ। पक्राउ पर्ने व्यक्ति शम्भुनाथ नगरपालिका–११ का ३५ वर्षीय रमानन्द मण्डल हुन्। उनी चोरी मुद्दामा २०७८ पुस ६ गते पुर्पक्षका लागि कारागार पठाइएका थिए। तर गत वैशाख १५ गते राति उनी कारागारबाट भागेका थिए।

जिल्ला प्रहरी कार्यालय सप्तरीका डीएसपी जितेन्द्रकुमार बस्नेतका अनुसार मण्डललाई बुधबार घरको आसपासबाटै पक्राउ गरिएको हो।

यद्यपि, उच्च सुरक्षा व्यवस्थासहितको कारागार र चारैतिर अग्लो पर्खाल रहे पनि थुनुवा कसरी भाग्न सफल भए भन्ने विषय अझै स्पष्ट भइसकेको छैन। प्रहरीले सो घटनाको विषयमा थप अनुसन्धान जारी राखेको छ।

पक्राउ परेका मण्डलमाथि अहिले कारागार ऐन, २०७९ अनुसार कारागारबाट भागेको कसुरमा म्याद थप गरी अनुसन्धान भइरहेको प्रहरीले जनाएको छ।