रौतहट चन्द्रपुरमा यात्रुवाहक बस दुर्घटना हुँदा १० जना घाइते, चालक फरार
कोल्हवी न्यूज२०८२ असार ९, सोमबार १३:१६ गते
रौतहटको चन्द्रपुर नगरपालिका–२ अन्तर्गत पूर्व–पश्चिम राजमार्गमा आज बिहान यात्रुवाहक बस दुर्घटना हुँदा १० जना यात्रु घाइते भएका छन्।
काठमाडौंबाट महोत्तरीको भिठ्ठामोड जाँदै गरेको बा.प्र.०१–००६ ख ५२१६ नम्बरको बस बिहान करिब ४:३० बजे अनियन्त्रित भई सडकबाट झन्डै ७ फिट तल खसेको इलाका प्रहरी कार्यालय चन्द्रनिगाहपुरले जनाएको छ।
बसमा २५ जना यात्रु सवार थिए। दुर्घटनापछि बस चालक फरार भएका छन् भने उनीको खोजी भइरहेको प्रहरीले जनाएको छ।
घाइतेमध्ये अधिकांशको अवस्था मध्यम रहेको र उनीहरूको स्थानीय अस्पतालमा उपचार भइरहेको इलाका प्रहरी प्रमुख डिएसपी राजकुमार राईले जानकारी दिए।
प्रहरीले दुर्घटनाको कारणबारे अनुसन्धान सुरु गरेको छ।
सम्बन्धित खबरहरु
