पाकिस्तानको बलुचिस्तानमा १८ सैनिक र २३ विद्रोही मारिए

पाकिस्तानी सेनाले देशको दक्षिण-पश्चिमी बलुचिस्तान प्रान्तमा भएका छुट्टाछुट्टै घटनाहरूमा ४१ जनाको मृत्यु भएको बताएको छ।

सेनाका अनुसार यी घटनामा १८ सैनिक र २३ विद्रोही मारिएका हुन्।

सेनाले यसलाई ‘आतंकवादको कायरतापूर्ण कार्य’ भनेको छ।

पहिलो घटना बलुचिस्तानको कलात जिल्लाको मङ्गोचर शहर नजिकै भएको थियो जहाँ सुरक्षा बलहरू विद्रोहीहरूले राखेको सडक अवरोध हटाउने प्रयास गरिरहेका थिए।

आईएसपीआरका अनुसार सुरक्षा बलले यस घटनामा १२ ‘आतंककारी’लाई मारेको छ। यस अवधिमा १८ सैनिक पनि मारिए।

आक्रमणको जिम्मेवारी बलुच विद्रोही समूहले लिएको छ।

अधिकारीहरूका अनुसार यसबाहेक, बलुचिस्तान प्रान्तमा भएको अर्को घटनामा सुरक्षा बलले ११ विद्रोहीलाई मारेको छ। बीबीसी