सिमलताल दुर्घटनाका यात्रुहरुको विवरण सार्वजनिक

गत असार २८ गते शुक्रवार चितवनको सिमलतालबाट लेदोसहितको पहिरोले बगाइ त्रिशूलीमा बेपत्ता भएका ६५ जना यात्रुको विवरण जिल्ला प्रशासन कार्यालय चितवनले सार्वजनिक गरेको छ ।

चितवनका सहायक प्रमुख जिल्ला अधिकारी खिमानन्द भुसालद्वारा अनुसार सोमवार साँझ सार्वजनिक विवरण अनुसार बसमा यात्रा गरिरहेका आफन्तहरुले गरेको दावी, बसको यात्रु चलानीमा उल्लेख भएका यात्रुका विवरण समावेश गरिएको छ ।

विवरण अनुसार बसमा १० जना भारतीय नागरिक भएको उल्लेख गरिएको छ भने केही विवरणमा अझै अन्यौल रहेको चितवनका सहायक प्रमुख जिल्ला अधिकारी चिरञ्जिवी शर्माले जानकारी दिएका छन् । उक्त विवरण अनुसार सोमवारको खोजीमा थप एक मात्र शव भेटिएको छ भने दुबै बस तथा अन्य ५१ जना यात्रु अहिलेसम्म बेपत्ता छन् ।

प्रहरीले फेला पारेका १४ जनाको शव मध्ये सात जनाको पहिचान खुलेर आफन्तले जिम्मा लिइसकेका छन् भने बाँकी सात जनाको पहिचान खुलेको छैन ।

यस्तो छ विवरण