त्रिशुली नदीमा ट्याक्सी खस्यो, ५ जनाको मृत्यु
कोल्हवी न्यूज२०८० चैत्र १७, शनिबार ०८:२१
त्रिशुली नदीमा यात्रुवाहक ट्याक्सी खसेको छ।
काठमाडौंबाट गोरखा जाँदै गरेको बा २ झ ४१९६ नम्बरको ट्याक्सी चितवनको इच्छाकामना गाउँपालिका-५ सिमलधारास्थित पृथ्वी राजमार्ग सडकबाट त्रिशुली नदीमा खसेको हो।
जिल्ला प्रहरी कार्यालय चितवनका प्रवक्ता डिएसपी श्रीराम भण्डारीका अनुसार दुर्घटनामा चालकसहित पाँच जनाको मृत्यु भएको छ।
मृत्यु हुनेमा एक बालिका, २ पुरूष र २ महिला छन्।
मृतकहरूको पहिचान खुलाउने प्रयास भइरहेको डिएसपी भण्डारीले जानकारी दिए।
