जनकपुरस्थित बिग मार्टमा आगलागी, करोडौँको क्षति
कोल्हवी न्यूज
मधेस प्रदेशको केन्द्र जनकपुरधामस्थित जनकपुर बिग एक मार्टमा आगलागी हुँदा करोडौँ बराबरको क्षति भएको सञ्चालकले दाबी गरेका छन् ।
जनकपुरधाम – ९ रामानन्द चोकस्थित मार्टमा गए राती अचानक आगलागी हुँदा करोडौँ बराबरको क्षति भएको सञ्चालकले दाबी गरेका हुन् ।
गए राती भएको आगलागी आज बिहान मात्र नियन्त्रणमा आएको जिल्ला प्रहरी कार्यालय धनुषाले जनाएको छ । जनकपुरधाम उपमहानगरपालिकालगायत अन्य स्थानीय तहहरूबाट आएको वारुणयन्त्र, नेपाल प्रहरी, स्थानीयलगायतको सहयोगमा आगो नियन्त्रण आएको धनुषा प्रहरीले जनाएको छ ।
आगलागीबाट मार्टको सम्पूर्ण सामान जलेर नष्ट भएको सञ्चालक रामबाबु रायले जानकारी दिए । उनका अनुसार आगलागीबाट १० करोड रुपैयाँभन्दा बढीको क्षति भएको छ ।
आगलागी हुँदा सञ्चालक राय परिवारसहित मार्टको माथिल्लो तल्ला मै बसिरहेका थिए । उनले भने “हामीहरू मार्टको दोस्रो तलामा बसिरहेको थियौँ । मार्टभित्र आगो लागेको थाहा भएपछि परिवारसहित भागेर ज्यान बचाउन सफल भयौँ ।”
सम्बन्धित खबरहरु
