हतियार सहित २ जना भारतीय नागरिक बाराको सिम्रौनगढ़बाट पक्राउ

कोल्हवी:बाराको सिम्रौनगढ़ नगरपालिका बसवरिया ९ देखि कचोर्वा जाने बाटोमा हथियार सहित दुई जना भारतीय नागरिक पक्राउ परेका छन। पक्राउ पर्नेमा जिल्ला मोतिहारी कस्वा लौखान पूर्वी चम्पारण बिहार बस्ने २३ बर्षीय पप्पू कुमार यादव र भेलवा बजार पूर्वी चम्पारण बिहारका २२ बर्षीय अखलेश कुमार सिंह रहेको सिम्रौनगढ़ प्रहरीले जानकारी दिएको छ।
उनीहरुको साथबाट प्रहरीले एक थान ऑटो मशीन पेस्टल एक थान, कटुवा पेस्तोल र त्यसमा प्रयोग हुने गोली दुई/दुई थान बरामद गर्नुका साथै उनीहरुले प्रयोग गरेको हीरो पैशन मोटरसाईकल समेत नियन्त्रणमा लिएको छ।
आज बिहान १० बजेको समयमा BR01C 13161 नम्बरको मोटर साईकलमा सवार उक्त ब्यक्तिहरु माथि शंका लागि चेक जाँच गर्दा कम्मरमा लुकाई छिपाई नेपाल ल्याउदै गरेको अवस्थामा बाहिनीको स्क्वार्ड टोली १/४ र fob झरौखर १/४ र सिम्रौनगढ़ bop बाट १/४ जना खटिएको टोलीले पक्राउ गारी आवश्यक कार्यवाहीका लागि इलाका प्रहरी कार्यालय सिम्रौनगढ़लाई बुझाइएको छ।