हेटौंडामा गठबन्धन्को रोइलो आक्रमण गर्नखोजे प्रतिवाद गर्छु: वडा अध्यक्ष खड्का

मकवानपुर । हेटौंडा उपमहानगरपालिका वडा नं १४ का अध्यक्ष दीपक खड्काले गठबन्धनका कार्यकर्ताले वडा नं ८ को घटना आफ्नो वडामा पनि दोहोर्याउन लागेको बताएका छन् । उनले गठबन्धनका कार्यकर्ता आफुसँग प्रतिशोध साँध्नकै लागि हातमा ताल्चा बोकेर वडा कार्यालयमा धम्याउन आएको बताए ।

स्थानीय तहको चुनाव नजिकिँदै गर्दा आफुलाई बदनाम गराउने उद्देश्यले गठबन्धन निकट केही व्यक्तिहरु वुधबार आफुलाई आक्रमण गर्न वडा कार्यालय प्रवेश गरेको उनको भनाइ छ ।

प्रदेश सरकारले बनाएको ‘टुक्रे योजना’ अन्तर्गत् उपभोक्ता समितिको विषयमा छलफल गर्न भन्दै केही व्यक्तिहरु उनको कार्यकक्षमा प्रवेश गरेको उनले जानकारी दिए । उनका अनुसार हातमा ताल्चा समेत बोकेर आएका केही व्यक्तिलाई आज लखेटेर फिर्ता पठाइएको थियो ।
उनीहरुबाट भोलिका दिनमा भौतिक आक्रमण समेत हुन सक्ने उनले बताए । प्रेस चौतारी नेपालले आयोजना गरेको पत्रकार सम्मेलनमा बोल्दै उनले आफु नडराएको बताए । आफुमाथि आक्रमण भए त्यसको प्रतिवाद गर्ने उनले बताए ।

उनले आफ्नो कार्यकालभरी वडाको विकासमा लागिपरेको समेत जानकारी गराए । विभिन्न संघरसंस्थाको सहयोगमा विद्यालय भवन निर्माण गरेको स्वास्थ्य क्षेत्रको सुधार गरेको शान्ति सुरक्षाका लागी वडामा नै प्रहरी चौकी स्थापना गरेको र अन्य धेरै खालका जनताले सहज देख्ने खालका विकास गरेको वडा अध्यक्ष खड्काको भनाई थियो ।नेपाल कलम बाट