देशभर बदली र वर्षा: चट्याङसहित पानी पर्ने
कोल्हवी न्यूजजल तथा मौसम पूर्वानुमान महाशाखाका अनुसार तल्लो वायुमण्डलमा विकसित न्यून चापीय क्षेत्रका कारण अधिकांश स्थानमा बादल लागेको छ। बागमती र गण्डकी प्रदेशका धेरै ठाउँमा तथा कोशी, लुम्बिनी र कर्णाली प्रदेशका केही स्थानमा मेघगर्जन, चट्याङ र हुरीसहित मध्यम वर्षा भइरहेको छ। मधेश र सुदूरपश्चिमका एक–दुई स्थानमा पनि यस्तै खालको वर्षा देखिएको छ। आज दिउँसो देशका अधिकांश भूभागमा सामान्यदेखि पूर्ण बदली रहनेछ। विशेषगरी कोशी र मधेश प्रदेशका साथै हिमाली तथा पहाडी क्षेत्रमा मेघगर्जन र चट्याङसहित मध्यम वर्षाको सम्भावना रहेको छ भने उच्च हिमाली क्षेत्रमा हिमपात हुन सक्ने अनुमान गरिएको छ। रातिको समयमा हिमाली क्षेत्रमा सामान्य बदली रहने र पहाडी तथा तराई क्षेत्रमा आंशिक बदली रहने पूर्वानुमान छ। कोशी, बागमती र गण्डकी प्रदेशका केही हिमाली तथा पहाडी क्षेत्रमा राति पनि वर्षा तथा हिमपातको सम्भावना रहेको महाशाखाले जनाएको छ। मौसमविद्हरूले चट्याङ, हुरी र वर्षाबाट हुन सक्ने जोखिमलाई ध्यानमा राख्दै आवश्यक सतर्कता अपनाउन सर्वसाधारणलाई आग्रह गरेका छन्।
काठमाडौँ — देशभर अहिले पश्चिमी वायु र स्थानीय वायुको प्रभावसँगै पूर्वी क्षेत्र नजिक रहेको न्यून चापीय प्रणाली सक्रिय हुँदा मौसम बदली भएको छ।
