प्रिमियर लिगको शीर्ष स्थानमा आर्सनललाई ७ अंकको अग्रता
कोल्हवी न्यूज
इंग्लिस प्रिमियर लिग फुटबलमा शीर्ष स्थानमा रहेको आर्सनलले ७ अंकको अग्रता लिएको छ ।
गयराति भएको खेलमा वेस्टह्याम युनाइटेडलाई ३–१ गोल अन्तरले पराजित गर्दै तालिकामा फराकिलो अग्रता बनाएको हो । दोस्रो स्थानमा रहेको लेस्टर सिटीले १६ खेलबाट ३३ अंक जोड्दा १ खेल कम खेलेको आर्सनलको १५ खेलबाट ४० अंक पुगेको छ ।
वेस्टह्यामले आफ्नै मैदानमा आर्सनलाई स्वागत गर्दा सुरुआती अग्रता भने उसैले लिएको थियो । २७ औं मिनेटमा मोहम्मद सइदले पेनाल्टीमा गोल गर्दै वेस्टह्यामलाई अग्रता दिलाएका थिए ।
पहिलो हाफमा १ गोलले पछि परेको आर्सनलले दोस्रो हाफमा पुनारगमन गरेको थियो । आर्सनलका लागि बकायो साकाले गोल गर्दै खेल एक एक गोलेको बराबरीमा ल्याएका थिए ।
५८ औं मिनेटमा ग्याब्रिएल मार्टेनलीले गोल गरेपछि आर्सनले २–१ ले अघि बढेको थियो । यस्तै एडवार्ड निकेटले ६९ औं मिनेटमा गोल गर्दै आर्सनलको ३–१ को जीत पक्का गरे ।
प्रिमियर लिगकै अन्य खेलमा ब्रेन्टफोर्ड र टोटनह्यामले २–२ गोलको बराबरी खेल्दा न्यूक्यासलले लेस्टर सिटीमाथि ३–० को जित पक्का गरेको थियो ।
यस्तै व्राइटनले साउथह्याम्पटनमाथि ३–१ गोलको जित दर्ता गर्दा फुलह्यामले क्रिष्टल प्यालेसमाथि ३–० को सजह जित दर्ता गरेको थियो । वुल्भसले एभर्टनलाई २–१ गोलले पछि पार्दा लिभरपुलले एस्टोन भिल्ला माथि ३–१ गोलको जित पक्का गर्न सफल भयो ।
सम्बन्धित खबरहरु
