कोल्हवी नगरपालिकामा विकासका प्रयास तीव्र, चुनौती अझै जटिल

कोल्हवी:बारा जिल्लाको कोल्हवी नगरपालिका मा पछिल्लो समय विकास निर्माणका कामले गति लिएको देखिएको छ। सडक स्तरोन्नति, विद्युत विस्तार, शिक्षा तथा स्वास्थ्य क्षेत्रमा केही उल्लेखनीय सुधार भए पनि आधारभूत समस्या अझै समाधान हुन सकेका छैनन्।

नगरपालिकाले मुख्य सडक कालोपत्रे,भित्री सडक ग्राभेल तथा ढल व्यवस्थापनमा लगानी बढाएको जनाएको छ। साथै,विद्यालय भवन निर्माण,स्वास्थ्य चौकी स्तरोन्नति र खानेपानी आयोजना विस्तार जस्ता कार्यले स्थानीयको जीवनस्तरमा सकारात्मक प्रभाव पार्न थालेको छ।

विकासका यी प्रयाससँगै चुनौतीहरू पनि उत्तिकै गम्भीर छन्। विशेषगरी स्वछ खानेपानी अभाव,अव्यवस्थित फोहोर व्यवस्थापन, बेरोजगारी तथा कृषि क्षेत्रमा आधुनिकीकरणको कमी मुख्य समस्याका रूपमा रहेका छन्। वर्षौंदेखि फोहोर व्यवस्थापनको दीर्घकालीन समाधान नहुँदा वातावरणीय जोखिम बढ्दै गएको स्थानीयको गुनासो छ।

त्यसैगरी, युवा जनशक्ति वैदेशिक रोजगारीतर्फ पलायन भइरहँदा स्थानीय स्तरमा दक्ष जनशक्ति अभाव देखिएको छ।कृषिमा आधुनिक प्रविधिको प्रयोग न्यून हुँदा उत्पादन वृद्धि अपेक्षाकृत कमजोर छ।
स्थानीय जनप्रतिनिधिहरूले सीमित स्रोत र बजेटका बाबजुद विकासलाई प्राथमिकता दिएको दाबी गरेका छन्।उनीहरूका अनुसार प्रदेश तथा संघीय सरकारसँगको समन्वय बढाएर दीर्घकालीन योजना कार्यान्वयन गर्ने तयारी भइरहेको छ।

स्थानीय बासिन्दाले भने विकासका काममा पारदर्शिता, दिगोपन र जनसहभागिता सुनिश्चित गर्नुपर्नेमा जोड दिएका छन्।समग्रमा, कोल्हवी नगरपालिका मा विकासका संकेत देखिए पनि चुनौती समाधानका लागि स्पष्ट नीति,प्रभावकारी कार्यान्वयन र सरोकारवालाबीच सहकार्य अपरिहार्य देखिन्छ