रौतहटमा हिंसा पिडित महिला लाई ईन्सेकको सहयोग
कोल्हवी न्यूज
रौतहट,घरेलु हिंसाबाट पीडित एक महिलालाई न्यायिक प्रक्रिया सहज बनाउन इन्सेक मधेश प्रदेश कार्यालयले आर्थिक सहयोग प्रदान गरेको छ।
फतुवा विजयपुर नगरपालिका–६ की २८ वर्षीया महिलालाई अदालतसम्म पुग्न र मुद्दा लड्न आर्थिक कठिनाइ भएको अवस्थामा इन्सेकले १० हजार रुपैयाँ सहयोग उपलब्ध गराएको हो।
पीडितले आफ्नै श्रीमान् ३० वर्षीय उमाशंकर कुशवाहविरुद्ध ज्यान मार्ने उद्देश्यले कुटपिट तथा वैवाहिक बलात्कारको आरोप लगाउँदै गत असोज ५ गते जिल्ला अदालत गौरमा मुद्दा दर्ता गराएकी थिइन्। उक्त मुद्दा हाल विचाराधीन अवस्थामा रहेको छ।
न्यायिक प्रक्रियामा सहभागी हुन बारम्बार अदालत धाउनुपर्ने भए पनि आर्थिक अभावका कारण समस्या भएको भन्दै जिल्ला प्रहरी कार्यालय रौतहट अन्तर्गत महिला, बालबालिका तथा ज्येष्ठ नागरिक सेवा केन्द्र गरुडाकी प्रमुख दीपिका ओझाको सिफारिसमा इन्सेक रौतहटमा निवेदन परेको थियो।
सोही निवेदनका आधारमा इन्सेक मधेश प्रदेश कार्यालयले मानव अधिकार सहायता कक्षमार्फत आर्थिक सहयोग प्रदान गरेको इन्सेकका प्रदेश संयोजक राजु पासवानले जानकारि दिएका छन ।
आर्थिक अभावका कारण कुनै पनि पीडित न्यायबाट वञ्चित नहोस् भन्ने उद्देश्यले यस्तो सहयोग गर्दै आएको इन्सेक रौतहट प्रतिनिधि गौरी न्युपानेले जानकारी दिएकी छिन ।
सम्बन्धित खबरहरु
