अखिल नेपाल महिला सङ्घ (समाजवादी)को अध्यक्षमा मुनु सिग्देल निर्वाचित

तस्बिर : सामाजिक सञ्जाल

अखिल नेपाल महिला सङ्घ (समाजवादी)को सातौं राष्ट्रिय सम्मेलनबाट मुनु सिग्देल अध्यक्षमा निर्वाचित हुनुभएको छ । यस्तै सङ्घको महासचिवमा राजेन्द्र लक्ष्मी गैरे सर्वसम्मत निर्वाचित हुनुभएको छ ।

सम्मेलनमा सङ्गठन मातहतका प्रदेश, जिल्ला सम्बन्धित कमिटीबाट प्राप्त सुझावअनुसार आन्तरिक विवाद समाधान साथै राजनीतिक, साङ्गठनिक, आर्थिक तथा अन्य समसामयिक प्रस्ताव पारित गरिएको छ ।

‘समाजवाद निर्माणको आधार तय गरौँ, सम्पूर्ण क्षेत्रमा समानुपातिक महिला सहभागिता सुनिश्चित गरौँ’ भन्ने नारा तय गरिएको सम्मेलनले केन्द्रीय कमिटीले गरेका निर्णय कार्यान्वयनका विषयमा रणनीति पारित गरेको छ ।