अमेरिकामा १६ वर्षीय किशोरको गोली प्रहारबाट चार जनाको मृत्यु

अमेरिकाको ओरेगन राज्यस्थित बेन्ड सहरको एक प्राथमिक विद्यालयमा भएको गोलीकाण्डमा तीन बालबालिकासहित चार जनाको मृत्यु भएको छ। घटनामा संलग्न १६ वर्षीय किशोर आक्रमणकारीको पनि मृत्यु भएको छ।

स्थानीय समयअनुसार बिहीबार दिउँसो ‘सिल्भर रेल एलिमेन्ट्री स्कूल’मा गोली प्रहार भएको प्रहरीलाई उद्धृत गर्दै समाचार संस्था एसोसिएटेड प्रेस (एपी) ले जनाएको छ।

घटनामा ५, ८ र ११ वर्षका तीन बालबालिका तथा एक शिक्षिकाले ज्यान गुमाएका हुन्। विद्यालयमा अचानक गोली चलेपछि विद्यार्थी तथा शिक्षकहरू त्रसित बनेका थिए।

प्राप्त विवरणअनुसार एक स्थानीय व्यक्तिले आक्रमणकारीको पिछा गर्दै विद्यालयभित्र प्रवेश गरी गोली प्रहार गरेका थिए। त्यसपछि आक्रमणकारी किशोरको पनि मृत्यु भएको जनाइएको छ।

घटनाबारे थप अनुसन्धान भइरहेको छ।