भुटानमा सम्पन्न महिला बिच भलिबलको उपाधि नेपाललाई

भुटानमा सम्पन्न महिला बिच भलिबलको उपाधि नेपालले जितेको छ। भुटानको थिम्पुमा केहिबेर अघि सम्पन्न फाइनलमा नेपालले उज्वेकिस्तानको ए टिमलाई २-० को सेटमा हराएको हो। नेपालबाट कमला पुन र मनीषा चौधरीको जोडीले सानदार प्रदर्शन गर्दै उपाधि जितेको हो।

नेपालले उज्वेकिस्तान ए लाई २१-१७ र २१-१४ ले पराजित गरेको हो। नेपालले प्रतियोगितामा सबै ५ खेलमा अपराजित रहँदै च्याम्पियन बन्यो।

समूह चरणमा तीनवटै खेल जितेको कमला पुन र मनिषा चौधरीको नेपाली जोडीले शनिबारै भएको सेमिफाइनलमा उज्वेकिस्तान बी टिमलाई २१-१३ र २१-१२ ले पराजित गर्दै फाइनल पुगेको थियो।

दुई वर्षअघि बंगलादेशमा भएको एभिसी बिच भलिबलमा कमल पुन र कोपिला उप्रेतीको जोडीले रजत जितेको थियो। यस्तै पुरुषतर्फ पनि नेपालको मानबहादुर श्रेष्ठ र दिलबहादुर सुनारको जोडीले फाइनल खेलिरहेको छ।